Momente me tension të madh mëngjesin e sotëm në Teramano të Italisë, me një skenë të denjë për filma Far West, por që fatmirësisht u mbyll pa të plagosur.
Një shkëmbim zjarri mes një shqiptari dhe policisë italiane pranë parkut L’Arcobaleno të Colonnella.
Një shqiptar i cili udhëtonte me makinë, nisi të qëllonte me pistoletë kundër policisë. Makina një ‘Toyota Yaris’ me ngjyrë të zezë, ishte e njëjta e sinjalizuar për grabitje në makineri lojërash Admiral, dhe një tjetër ngjarje të ndodhur mëngjesin e kësaj të marte në një qendër tregtare në Colonnella.
Makina e shqiptarit përfundoi jashtë rruge, ndërsa ai doli dhe u largua nëpër fushë, duke qëlluar sërish ndaj policisë. Kështu që agjentët u kundërpërgjegjën, por pa e plagosur.
Me armë në dorë, fillimisht ai i doli përpara një fshatari të zonës dhe i mori një motor, duke u arratisur.
Më tej nën kërcënimin e armës ndaloi një makinë tip “Benz”, prej nga mori mjetin dhe u largua. Policia ngriti një sërë patrullash për kapjen e personit që shikoni në fotografi, i cili u arrestua në Ascoli gjatë orëve të pasdites së sotme.
