Kryeministri izraelit Benjamin Netanyahu, në një telefonatë me Presidentin e SHBA-së Donald Trump, duke iu referuar sulmeve të reja të mundshme ndaj Iranit, tha: “Kemi një punë për të përfunduar”.
Kryeministri Netanyahu postoi një video të telefonatës së tij me Presidentin e SHBA-së Trump në llogarinë e tij në platformën sociale X.
Duke e falenderuar Trumpin për mbështetjen e tij në zgjedhjet izraelite që do të mbahen më 27 tetor, Netanyahu la të kuptohej për sulme të reja të mundshme ndaj Iranit, duke thënë: “Donald, kemi një punë që duhet ta përfundojmë. Ti e the dhe ne do ta përfundojmë së bashku. Askush tjetër nuk do ta bëjë.”
Netanyahu pohoi se bashkëpunimi me SHBA-në do të çonte në bashkimin e më shumë vendeve me Marrëveshjet e Abrahamit, të cilat përfshijnë normalizimin me Izraelin, duke thënë: “Njerëzit në SHBA duhet ta dinë se ju qëndruat kundër një Irani bërthamor, i cili është kërcënimi më i madh për ta”.
Trump, duke deklaruar se ai personalisht e shkroi tekstin në të cilin shpalli mbështetjen e tij për Netanyahun në zgjedhje, tha: “Ti je një luftëtar. Vendi yt dhe ndoshta disa të tjerë të kanë bërë padrejtësi, por ti je një luftëtar i madh dhe ne do ta vërtetojmë këtë.”
Trump tha: “Doja ta jepja këtë mbështetje që në fillim. Natyrisht, mendoj se do të fitosh me shumicë dërrmuese. Ti je burri që dua pranë meje, Bibi Netanyahu.”
Presidenti i SHBA-së, Donald Trump, ka njoftuar mbështetjen e tij për kryeministrin izraelit, Benjamin Netanyahu, për zgjedhjet që do të mbahen në Izrael më 27 tetor.
Në një postim në rrjetet sociale të titulluar “Për Popullin e Madh të Izraelit”, Trump argumentoi se Netanyahu është një “luftëtar i madh” dhe një “partner i madh paqeje” për SHBA-në në luftën kundër Iranit.
Duke iu drejtuar Iranit, Trump tha: “Nëse ata nuk ndryshojnë shpejt sjelljen e tyre, ne do ta përfundojmë punën së shpejti”, dhe shtoi se nëse Izraeli zgjidhte një udhëheqës tjetër përveç Netanyahut, SHBA-të do të duhej ta bënin vetë, edhe pse nuk kishin ndërmend ta bënin.
The post Netanyahu bisedë telefonike me Trump, mesazh për Iranin: Kemi një punë për të përfunduar (VIDEO) appeared first on Euronews Albania.
Burimi: Botë
