Presidenti i Partisë së Lirisë, Ilir Meta, vazhdoi me sulmet ndaj Prokurorisë së Posaçme Antikorrupsion dhe kreut të këtij institucioni, Altin Dumani, gjatë konferencës së radhës për mediat.
“Pastrimi i parave të pista ‘ulëret’ në Tiranë. Shqiptarët nuk kanë mundësi të blejnë një shtëpi në Tiranë, atëherë si ka mundësi bumi i ndërtimeve. Tirana është kthyer në një lavatriçe gjigante pastrimi parash.
Zgjidhja është që ligji të veprojë me ashpërsi dhe në kohë në mënyrë që të ndalohet falimenti i biznesit. SPAK, struktura më perfekte për të mos ndëshkuar, asnjë pastrues parash nuk është ndaluar e jo më të dënohet.
Janë bllokuar hetime për të ndihmuar në pastrimin e parave. SPAK nën drejtimin e Dumanit, parti e jashtëligjshme prokurorësh nën drejtimin e Ramës”, tha Meta.
I pyetur për deklaratën e bërë në Roskovec, ku bëri thirrje për marrjen e armëve, Meta e kishte një sqarim:
“Ka rënë shteti. Banorët e Roskovecit të përjashtuar prej kohësh nga procesi i konsultimit. Janë prej kohësh nën presion intimidues nga forcat e narkoshtetit. Do eksportohet energji në Greqi.Meriton një përgjigje të organizuar për të mbrojtur të ardhmen e fëmijëve dhe investimet e tyre”.
/a.r
