Familja e tij e dinte të vdekur. Katër muaj më parë i kishin kryer ceremoninë e varrimit, por burri tani u gjet i gjallë duke bredhur në një varrezë në fshatin Kafr Al-Hosar, një periferi të Kajros, në Egjipt.
Kjo është historia e jashtëzakonshme e Mohamed El-Gammal, një ish mësues 40 vjeç, i cili vuan nga një çrregullim mendor.
Habia e familjarëve ishte e jashtëzakonshme kur zbuluan se kishin qarë njeriun e gabuar. Gjithcka filloi në janar, kur burri u largua nga shtëpia.
Nuk ishte hera e parë që ndodhte, por në këtë rast zhdukja zgjati shumë më tepër se zakonisht. Anëtarët e familjes filluan ta kërkonin, derisa u kontaktuan nga një spital që u tha atyre se kishte gjetur një kufomë të paidentifikuar. Në morg, të afërmit konfirmuan identitetin: ishte i dashuri i tyre.
Të gjithëve iu duk se ai me përjashtim të një motre, që u shfaq skeptike siç raporton Arab News. I bene ceremonine mortore, por pas 4 muajsh, një njeri u pa duke endur në varrezat e fshatit dhe u dërgua në komisariat për identifikim.
Këtu doli që ishte Muhamed. Tani mbetet për tu parë se kush është varrosur në vend të El-Gammal, e për këtë cështje, autoritetet kanë nisur një hetim.
/e.rr
