Ministrja e Punëve të Jashtme të Sllovenisë, Tanja Fajon ka deklaruar se zgjerimi i Bashkimit Evropian është një domosdoshmëri gjeopolitike.
Gjatë një vizite zyrtare në Bratislavë, Fajon u prit edhe nga presidenti i ri i Sllovakisë, Peter Pelegrini, me të cilin ndër të tjera u fol edhe për sfidat aktuale në Ballkanin Perëndimor, zgjerimin e Bashkimit Evropian dhe zhvillimet globale.
Përmes një postimi në platformën X, ministrja sllovene, Fajon, bëri të ditur se në takimin me homologun sllovak, Juraj Blanár, tha të martën, se zgjerimi i BE-së është një domosdoshmëri gjeopolitike dhe një mundësi për të gjithë.
Fajon theksoi se vendet e Ballkanit Perëndimor nuk duhet të lihen mënjanë në këtë proces.
Ajo mori pjesë edhe në këshillimin diplomatik të Sllovakisë, ku vuri në dukje sfidat me të cilat përballet Sllovenia si një shtet më i vogël në arenën ndërkombëtare.
Në takimin me homologun sllovak, Juraj Blanár, të dy ministrat diskutuan për të ardhmen e zgjerimit të Bashkimin Evropian.
Ata theksuan rëndësinë e një procesi më efikas, të besueshëm dhe dinamik të zgjerimit, ndërsa ministrja Fajon deklaroi se “zgjerimi është një domosdoshmëri gjeopolitike dhe një mundësi për të gjithë ne”.
