Mirë se vini në Belgjistan. Në Belgjikë islamikët janë ende në minorancë, por në Bruksel janë komuniteti fetar më i madh. Aktualisht myslimanët janë çereku i popullsisë në Bruksel dhe demografët thonë se brenda 20 vjetësh do bëhen mazhoranca absolute. Grupi më i flaktë mysliman në Bruksel është “Sharia 4 Belgium”.
Imami i këtij grupi Fouad Belkacem ose i njohur ndryshe si Abu Imran ka deklaruar për CBN News se Perëndmi duhet të përgatitet për mësymjen e islamikëve. “Ne besojmë se Sharia do të dominojë dhe adoptohet në gjithë botën. Duhet të jemi të qartë. Nuk ka asnjë ndryshim midis Islamit dhe Sharias. Është thjesht çështje emri. Demokracia është e kundërta e Sharias dhe Islamit. Ne bësojmë se zgjedhësi është allahu. Allahu bën ligjet dhe është ai që tyhotë çfarë lejohet dhe çfarë ndalohet. Është e çuditshme kur dëgjoj për myslimanë demokratikë. Është si të thuash se fola me një hebre të krishterë ose një hebre mysliman. Nuk ekziston. Ai mysliman që deklaron se është kundër Sharias nuk është mysliman”, thotë Abu Imran. Më tej ai paralajmëron se fitorja e Allahut është shumë afër.
“Fitorja e Allahut është shumë afër. Sharia do të bastisë Europën”, thotë ai. Në Belgjikë myslimanët radikalë kanë nisur të tregojnë muskujt. Kanë sulmuar disa herë vajza me bikini ose myslimane që nuk mbajën ferexhe. Kanë goditur simbole të krishtera apo hebraike. Në një minorancë të qytetarëve është instaluar tashmë Sharia. Ideja e Abu Imran është që të zëvendësohen ligjet e Belgjikës me Sharian.
“Të vrasim gratë tradhtare, të vrasim homoseksualët dhe t’u presim gjymtyrët hajdutëve. Kështu do të ketë më pak krime”, thotë imami. Prej katër vitesh Muhamet është emri më i përhapur në Bruksel të fëmijet e porsalindur. Imami Abu Imran thotë se është çështje kohe deri sa islamikët të kthehen në mazhorancë në Bruksel.
“Nuk ka problem, është thjesht çështje kohe. Ne do ta pushtojmë Brukselin dhe më pas gjithë Belgjikën. Nëse do të duan të na ndalojnë, të mbajnë katër gra dhe të bëjnë sa më shumë fëmijë. Por nuk besoj se do ndodhë diçka e tillë. Fitorja e Allahut është shumë afër. Perëndimorët duhet të përgatiten. Islami dhe Sharia do të pushtojë shumë shpejt Europën”, thotë Abu Imren.
(Përgatiti Amarildo Lumani / Tema)
