“Koronavirusi është një ndëshkim hyjnor për homoseksualitetin!” Ministri izraelit i Shëndetësisë, i cili bëri deklaratën e bujshme për Covid-19, ka dalë pozitiv ndaj koronavirusit.
Lajmi se ultra-konservatori Yaakov Litzman, është prekur nga koronavirusi po bën xhiron e botës.
Ministri i Shëndetësisë në qeverinë e Benyamin Netanyahu, e lidhi virusin me një ndëshkim të zotit për banorët homoseksualë.
I njohur për bindjet e tij homofobike dhe deklaratat e guximshme, ai doli pozitiv ndaj koronavirusit bashkë me të shoqen.
Reagimet nuk munguan nga komuniteti LGBT, të cilët vërshuan në komente, se infektimi i tij është karma, hakmarrje e universit.
Litzman është një rabin dhe dyshohet se ka thyer rregullat e distancimit social, duke marrë pjesë në aktivitete të ndryshme të komunitetit Haredi ku bën pjesë,
Pikërisht prej tij edhe Netanyahu, u detyrua të izolohet. Deri më tani në Izrael numri total i të prekurve nga Covid-19 ka shkuar në 9006, ndërsa i viktimave në 61.
/a.r
