Pas ngjarjes që tronditi dje mbarë opinionin publik, ku një 32-vjeçar vrau të dashurën në makinë dhe më pas veten, dalin të tjera detaje të rëndësishme.
Një vajzë ka treguar për redaksinë e JOQ informacione të rëndësishme lidhur me Drini Dervenin dhe Ermira Arapin.
Sipas raportueses së JOQ, Ermira jetonte prej kohësh në Fier, ku kishte një biznes perdesh, ndërsa bashkëshorti i saj jeton në Greqi. Ky i fundit kishte marrë edhe vajzën 6-vjeçare sepse donte ta arsimonte në Greqi, ndërsa mësohet se vinte rrallë në Shqipëri, rreth 1 herë në 3 muaj.
Gjithashtu, vajza shkruan për JOQ se e njihte mirë edhe Drinin, autorin e krimit të dyfishtë, i cili është gjithashtu i martuar dhe ka dy fëmijë. Sipas raportueses, Drini Derveni është i martuar me vajzën e Angjelina Kola, ish deputete e LSI.
Viktimat kishin vite së bashku, ndërsa Drini nuk duronte faktin që Ermira donte të ndahej, madje një herë ai e kishte kapur për flokësh dhe e kishte futur me dhunë brenda në makinë. Sipas rapoertueses së JOQ, ky mendohet se është shkaku që çoi në vrasjen e 29-vjeçares dhe më pas vetëvrasjes së Dervenit.
“Përshëndetje JOQ. Dua t’ju informoj disa të dhëna për Ermira Arapin, vajzën që u vra ditën e djeshme nga i dashuri në Shën Pjetër të Fierit. Kisha disa njohje me viktimën. Ajo kishte një biznes perdesh në qytetin e Fierit. Kohët e fundit vajzën e madhe ia mbante bashkëshorti në Greqi. Burri i vinte shumë rrallë në Shqipëri, 1 herë në 3 muaj. Gjithashtu njoh dhe vrasësin, pra të dashurin e asaj. Drini ishte dikush me emër në Fier. Ai e keqtrajtonte të shoqen dhe e mbante të mbyllur. Drini është dhëndri i ish-deputetes së LSI. Angjelina Kola është ish deputetja. Viktimat kishin vite së bashku. Bashkëshorti i Ermirës nuk dyshonte pasi jetonte në Greqi, një vit ka ndenjur në Holandë. Ermira donte të ndahej nga Drini, por ai e kërcënonte se do ta vriste, madje njëherë në mes të rrugës e ka kapur nga flokët dhe e ka marrë me dhunë në makinë, besoj se kjo ka qenë shkaku i vdekjes, fakti që ajo donte të ndahej”
