Kryetari i Bashkisë së Tiranës, Erjon Veliaj, do të dalë nesër para Gjykatës së Apelit me kërkesën për ndryshimin e masës së sigurisë dhe lirimin nga burgu.
Seanca do të zhvillohet në orën 14:00 dhe gjyqtar është Engert Pellumbi.
Përmes avokatëve të tij, kryebashkiaku Veliaj kërkon një masë më të butë sigurie, duke ofruar edhe garanci pasurore, pa përcaktuar një shumë, duke ia lënë në vlerësim gjykatës.
Erjon Veliaj, përmes avokatëve, ka dërguar rekurs edhe në Gjykatën e Lartë për masën e sigurisë, por ende nuk është caktuar data e shqyrtimit dhe trupa gjykuese.
Kryetari i Bashkisë së Tiranës u arrestua më 10 shkurt, pasi SPAK po heton për korrupsion pasiv në 9 raste dhe pastrim parash.
