Presidenti i Interit Erick Thohir ka hedhur poshtë zërat se ai do ta nxjerrë klubin në shitje. Numri një i klubit ziklatër u shpreh përpara gazetarëve se ai kurrë nuk e ka menduar një gjë të tillë, por shtoi se është në kërkim të aksionerëve të rinj nga Azia ose nga Kina. Ai shton se financat e klubit janë duke u përmisuar dhe në rast se ekipi i tij nuk arrin të sigurojë një biletë për në kupat e Europës, ka një plan B.
“Nuk është e vertëtë që unë do të shes aksione. Nëse skuadra nuk arrin të kualifikohet për në kompeticionet europiane, unë sëbashku me stafin tim kemi disa ide për të mos rrezikuar financat e klubit. Merkaton e ardhshme nuk do të blejmë 10 lojtarë, por 3 të cilët do t’i shtojnë cilësinë skuadrës. Mancini nuk do të largohet pasi ai është pjesë e projektit që ne kemi.”
Thohir u shpreh se nuk është aspak i shqetësuar dhe ka besim të plotë tek lojtarët dhe trajneri. Në fund ai lëshoi dhe një mesazh për takimin e fundjavës Juventus-inter:
” Nuk jam aspak i shqetësuar pasi cdo ditë ne përpiqemi të japim më të mirën. Futbolli vitet e fundit është shndërruar në një sport global. Një mesazh për skuadrën? Ta mundin Juventusin në kampionat dhe në Kupën e Italisë”.
