Presidenti i Turqisë, Recep Tayyip Erdogan dhe ai i Rusisë, Vladimir Putin janë takuar sot për herë të parë prej kur marrëdhëniet në mes të dy shteteve janë përkeqësuar pas incidentit të vitit të kaluar kur një aeroplan rus u rrëzua nga ushtria turke.
Takimi ka si qëllim rivendosjen e marrëdhënieve gjë të cilën e deklaroi edhe vetë në Shën Petersburg, Erdogani.
“Një faqe e re do të hapet në lidhjet ruso-turke. Kjo faqe e re do të përfshijë ushtrinë, ekonominë dhe bashkëpunimin kulturor”, Erdogan ka thënë gjatë një interviste për agjencinë ruse të lajmeve, Tass.
Lidhjet bilaterale janë përkeqësuar kur Turqia e rrëzojë një aeroplan luftarak rus në kufirin e Sirinë, nëntorin e vitit të kaluar.
Rusia më pas kishte vendosur sanksione ndaj Turqisë duke iu ndaluar rusëve që të shkojnë edhe për turizëm në Turqi.
Ky takim mbahet derisa Turqia ka marrëdhënie të tendosura me perëndimin pas dështimit të një grusht shteti gjatë të cilit në Turqi u vranë 230 persona.
Turqia e akuzon perëndimin se tregohet më e shqetësuar rreth shtypjes së grusht shtetit se sa vet për puçin kundër regjimit të Erdoganit.
