Pak orë më parë, policia franceze bëri publike një foto të njërit prej 3 terroristëve që sulmuan Stadiumin e Francës të premten e 13 nëntorit duke bërë thirrje që kushdo që mund ta identifikojë të japë informacion.
Agjensia Britanike BBC news thotë se personi në fjalë quhet M al Mahmod. Sipas BCC Mahmod ka hyrë në ishullin grek të Lerosit më datë 3 tetor me një tjetër sulmues i quajtur Ahmad al Mohammad.
Po sipas BBC, korrespondenti i tyre në Greqi ka parë dokumentat e ardhjes së Mahmod në ishullin grek dhe fotoja në krahasim me atë që publikuan autoritetet Franceze është identike. Al Mahmod kishte blerë bileta trageti së bashku me al Mohammad për të lënë ishullin grek dhe për të udhëtuar drejt Europës me refugjatët sirianë.
