Nënkryetari i bashkisë Tiranë (edhe për pak ditë), Enno Bozdo, ka qenë i ashpër sot kundrejt të gjithë atyre që kritikojnë PD-në.
Në një postim në facebook, Enno Bozo flet i indinjuar për ata që sipas tij janë përfshirë në “Epidemia e artikujve dhe postimeve”.
Ja ç’hskuan Enno në indinjatë e sipër:
“Epidemia e artikujve dhe postimeve” – do ta quaj. Gare kush shkruan me shume, kush ben postimin e rradhes dhe kush ben kritiken apo analizen me te shpejte. Gare e atyre qe mezi kane pritur kete cast.
Por nuk kam pare askend me pare, te shkruaje qofte edhe nje rresht te vetem kur papunesia dhe cmimet rriten perdite, kur tritoli kercet sheshit, kur njerezit futen ne burg padrejtesisht, kur korrupsioni i qeveritareve eshte kapilarizuar kudo, ne cdo cep te administrates, kur krimi eshte ulur kembekryq me politiken dhe shantazhon vendin, kur prinderit kercenohen me vendin e punes, kur votat blihen sheshit dhe kutite mbushen diten per diell dhe rezultati na shitet si ‘zgjedhje te drejta dhe demokratike’.
Nuk i kam pare te flasin as gjate 2 viteve kur Rama bllokoi teresisht Tiranen duke e lene edhe pa vareza. Kur bllokoi rruget, kopshtet dhe cerdhet. Kur u hakmor mbi qytetin ne menyren me te eger te mundshme.
Nuk i kam pare te flasin qofte nje rrokje kur kriminelet kandidojne dhe behen kryetare te bashkive. Kur vrasesit e policeve bejne fushate me bekimin e Rames dhe pastaj arratisen ne drejtim te paditur. Apo kur parate e droges dhe tenderave te paracaktuar blene varferine e skajshme e bashke me te, voten dhe dinjitetin.
Dhe si i thone ne keto raste: ‘ai qe hesht, miraton’”, mbyll Enno postimin i zemëruar.
