Një 42-vjeçar i shpallur në kërkim ndërkombëtar është vënë në pranga nga Policia Kufitare në Pikën Kufitare të Hanit të Hotit, gjatë tentativës për të dalë nga territori shqiptar.
Në kuadër të masave të shtuara dhe në bashkëpunim me Interpol Tiranën, u bë e mundur kapja dhe arrestimi i shtetasit Vuksan Gjoni (Guri), banues në Shkodër.
Gjoni ishte i shpallur në kërkim ndërkombëtar nga autoritetet italiane, pasi Gjykata e Apelit në Milano e ka dënuar me 6 vjet e 8 muaj burgim, për veprën penale të “Plagosjes”, sipas Kodit Penal të Italisë.
Interpol Tirana po bashkëpunon me Interpol Romën për përfundimin e procedurave të ekstradimit të tij drejt Italisë.
Njoftimi:
I dënuar nga autoritetet italiane, me 6 vjet e 8 muaj burgim, për plagosje, kapet nga Policia Kufitare dhe arrestohet me qëllim ekstradimin, 42-vjeçari.
Shërbimet e Policisë Kufitare në PKK Hani i Hotit, si rezultat i masave të shtuara dhe i shkëmbimit të informacionit me Interpol Tiranën, kanë kapur në dalje dhe kanë arrestuar me qëllim ekstradimin, shtetasin:
Vuksan Gjoni (Guri), 42 vjeç, banues në Shkodër.
Ky shtetas ishte shpallur në kërkim ndërkombëtar pasi Gjykata e Apelit e Milanos e ka dënuar me 6 vjet e 8 muaj burgim, për veprën penale “Plagosja”, parashikuar nga Kodi Penal italian.
Interpol Tirana po bashkëpunon me Interpol Romën, për ekstradimin e 42-vjeçarit, në Itali.
