Dy persona në kërkim janë vënë në pranga në Durrës gjatë operacionit “Vjeshta 20017”, pasi ishin të shpallur në kërkim ndërkombëtar, njëri për vrasje e tjetri për trafik droge.
Sipas policisë, në Shijak është arrestuar Gëzim Aleksi, 41 vjeç, pasi gjykata e Breshias në Itali e ka dënuar për një vrasje në vitin 1998, ndërkohë që Interpol Tirana e ka shpallur në kërkim më 12 tetor të këtij viti. Aleksi ishte arrestuar edhe më herët, dy vite më parë gjatë operacionit të gjerë të policisë për kontrollin e lokaleve, ku iu gjet një armë pa leje.
I arrestuari tjetër është Dashamir Hersi, 48 vjeç, pasi gjykata e Peskarës në Itali e ka dënuar në vitin 2000 për trafikim të lëndëve narkotike. Ai ishte shpallur në kërkim nga Interpol Tirana më 17 tetor të këtij viti, vetëm një ditë më parë.
a.ç
