Dy vajza të mitura, njëra në Tiranë dhe tjetra në Përrenjas janë denoncuar si të humbura nga familjet e tyre.
Njoftohet se më 12 janar është kallëzuar në polici humbja e një adoleshente. Bëhet e ditur se 15-vjeçarja Xh. Ç., është larguar nga banesa e saj në Përrenjas dhe nuk është kthyer më.
Po më 12 janar, një 38-vjeçar ka kallëzuar në polici se vajza e tij 16 vjeçe është larguar nga banesa dhe nuk është kthyer më. Rrethanat e dy ngjarjeve nuk dihen ende, ndërsa policia po punon për të lokalizuar dy të miturat.
NJOFTIMI
Më datë 12.01.2022, shtetasja N. Ç., 43 vjeçe, ka kallëzuar se është larguar nga banesa vajza e saj e mitur, shtetasja me iniciale Xh. Ç., 15 vjeçe, banuese në Prrenjas.
Materialet i kaluan Prokurorisë, për veprime të mëtejshme procedurale.
Më datë 12.01.2022, shtetasi A. Q., 38 vjeç, ka kallëzuar se është larguar nga banesa dhe nuk është kthyer më, vajza e tij e mitur 16 vjeçe. Punohet për gjetjen e saj./m.j
