Zbardhet plani hetimor i Partisë Socialiste për Komisionin Hetimor të Shëndetësisë për koncesionet për Sterilizimin dhe Check Up, i cili do të dakordësohet me atë të propozuar më hertë nga opozita. PS ka propozuar që hetimet të shtrihen që nga 2009. Sipas PS-së duhet të pyeten edhe Ministrat e Shëndetësisë që nga dhjetori i 2006.
Socialistët kanë surprizuar jo pak teksa me këtë draft kërkojnë që hetimi të shtrihet edhe gjatë periudhës së qeverisë Berisha.
“Hetimi do të shtrihet përgjatë periudhës kohore 2009 – 2014 që konsiderohet si periudha para fillimit të procedurës koncesionare, përgjatë periudhës kohore 2014 – 2015 që do të konsiderohet si periudha e zhvillimit dhe finalizimit të procedurës së dhënies me koncesion, dhe përgjatë periudhës kohore 2015 – 2023 që do të konsiderohet si periudha e zbatimit të kontratës koncesionare”, thuhet në draft.
Më tej nënvizohet se duhet të zhvillohen seanca dëgjimore me dëshmitarë të gjithë Ministrat e Shëndetësisë që nga 1 dhjetor i vitit 2006, kohë kur vendin e drejtonte kabineti Berisha 1 dhe deri më sot.
Sipas draftit të PS, duhet të zhvillohen seanca dëgjimore me 6 ish-ministra të qeverisë Berisha, ndër ta Maksim Cikuli, kreu i Demokristianëve Nard Ndoka dhe ish-përfaqësuesja e Partisë Republikane, Anila Godo.
Në sitë do të kalojnë edhe dy ish-deputetë të LSI që kanë drejtuar dikasterin. Petrit Vasili, i cili e ka mbajtur postin e ministrit të Shëndetësisë përgjatë viteve 2009 – 2012, kohë kur nisën përgatitjet për koncesionin, por edhe Vangjel Tavo që ka qëndruar në detyrë deri në prill të vitit 2013, kur u pasua nga Halim Kosova.
Më pas në shtator 2013 e deri në mars 2017, ministria u drejtua nga Ilir Beqaj, një ndër të akuzuarit kryesor të dosjes së Sterilizimit, që po hetohet nga SPAK.
Po ashtu PS kërkon që seanca dëgjimore të zhvillohen edhe me të gjithë ish drejtuesit e QSUT që nga 1 tetor 2009, kohë kur është lidhur kontrata koncesionare, për të evidentuar se çfarë përpjekjesh janë bërë për t’i vënë në punë pajisjet e centralit të sterilizimit dhe çfarë pengesash janë hasur.
Hetimi do të shtrihet në veprimtarinë dhe dokumentacionin e Ministrisë së Shëndetësisë dhe Mbrojtjes Sociale, Ministrisë së Financave, të gjitha spitalet ku zbatohet kontrata koncesionare, Kuvendit të Shqipërisë, APP, KLSH dhe Avokatit të Shtetit. Seanca dëgjimi do të zhvillohen edhe me profesorë apo ish-profesorë në pension të QSUT.
Pjesë nga plani hetimor i PS
Seanca dëgjimi me të gjithë Ministrat e Shëndetësisë që nga 1 dhjetor 2006 e deri më sot.
Seanca dëgjimi me të gjithë ish drejtuesit e QSUT që nga 1 tetor 2009 (kontrata është lidhur në tetor 2009) për të evidentuar se çfarë përpjekjesh janë bërë për ti vënë në punë pajisjet e centralit të sterilizimit dhe çfarë pengesash kanë hasur.
Seanca dëgjimi me profesorë apo ish profesorë (në pension) të QSUT.
Mentor Petrela
Etmond Celiku
Arben Beqiri
Nikollaq Kacani
Mustafa Xhani
Arvin Dibra
Seanca dëgjimi me drejtues apo ish drejtues spitalesh (mjeke kirurge, obsteter gjinekolog)
Arben Zeneli ish drejtues i Trauma
Bruna Mersini drejtore e SR Vlore
Senad Halluni drejtor i SR Shkoder
Alban Ylli (Check – up)
Artan Goda (Check – up)
Mihal Tase (Check – up)
Agron Ylli (Check – up)
Myftar Barbullushi (Check – up)
Seanca dëgjimi me mjekë të parësorit, drejtues të QSHve Tirane dhe jashte Tirane
Seanca dëgjimi me drejtues të shoqatës së mjekëve të familjes
Seanca dëgjimi me punonjës/drejtues të ATRAKO për ndjekjen e koncesioneve
Seanca dëgjimi me punonjës/drejtues të APP për kuadrin rregullator plotësues të koncesioneve
Seanca dëgjimi me MF për procesin e miratimit të studimit të fizibilitetit dhe monitorimin e kontratave koncesionare.
Irena Beqiri ish zv.Ministre e Financave.
Geraldina Prodani ish Sekretare e Përgjithshme e Ministrisë së Financave
Arjan Dyrmishi ish Drejtore e Politikave Fiskale.
Gentian Opre Drejtor i Buxhetit.
Seanca dëgjimi me MSH për procesin e zbatimit të kontratës koncesionare
Seanca dëgjimi me FSDKSH për procesin e zbatimit të kontratës koncesionare.
Albana Adhami ish Drejtore e FSDKSH
Spartak Zekja Drejtor i FSDKSH
Seanca dëgjimi me Audituesit e KLSH-së për procesin e auditimit të koncesioneve objekt hetimi.
Nerenxa Llapashtica audituese e KLSH
Alketa Kalleshi audituese e KLSH
Blerim Shkurti auditues i KLSH
Erion Gjini auditues i KLSH
Anxhela Nesturi audituese e KLSH
Eduart Stefani auditues i KLSH
Klarenc Xhaferraj auditues i KLSH
Irma Idrizaj auditues i KLSH
Fatmir Zilja auditues i KLSH
Melina Kabo audituese e KLSH
Semiram Jakupi auditues i KLSH
Seanca dëgjimi me Administratorët e kompanive koncesionare.
Admir Dacin administrator i Sani Servis
Altin Fani administrator i PPP Life Logistic
Artan Kalleshi drejtor teknik në Sani Servis
Seancë dëgjimi me z. Gjergj Koja pergjegjes i sektorit te Infeksioneve Spitalore ne ISHP ne vitet 2012 – 2013
Seancë dëgjimi me z. Gazmend Bejtja dhe z. Erol Çomo mjeke anetare te grupit te punes qe ka hartuar Check Up.
