Një gjykatë në Britani ka dhënë një dënim total me 70 vite burg për një bandë shqiptarësh që shpërndante lëndë narkotike të llojit kokainë në disa zona të vendit.
Banda e mirëorganizuar e shqiptarëve, e kishte bazën e saj në Derbyshire, por e kishte shpërndarë ndikimin e saj dhe në Leicestershire dhe East Staffordshire dhe duke fituar qindra mijëra paund nga ky aktivitet i paligjshëm.
Ajo drejtohej nga vëllezërit Edmond dhe Eduard Haziri dhe miq e të afërm të tyre, të cilët e merrnin kokainën në Londër dhe më pas e shpërndanin në të gjithë rrjetin në Leicester dhe Midlands, ku mblidhnin dhe paratë.
Anëtarët e bandës u akuzuan për furnizim kokaine dhe të gjithë u dënuan në Gjykatën Derby Crown:
Edmond Haziri, 36 vjeç – i dënuar me 15 vjet burg.
Eduard Haziri, 34 vjeç – i burgosur me 15 vjet e gjashtë muaj.
Grazmend Hoxha, 47 vjeç – i dënuar me 11 vjet burg.
Alban Krasniqi, 34 vjeç – i dënuar me nëntë vjet burg.
Samuel Stoica, 25 vjeç – i burgosur për tetë vjet e tre muaj.
Simion Stoica, 22 vjeç – burgosur për tre vjet e gjashtë muaj.
Kristi Prifti, 23 vjeç – i dënuar me katër vjet burg.
Joshua Garrigan, 32 vjeç – burgosur për dy vjet e tetë muaj.
Razvan Manoliu, 27 vjeç – burgosur për dy vjet e tetë muaj.
/f.s
