Në Zvicër janë mbledhur qindra shqiptarë dhe ambasadorë të shteteve të tjera në ceremoninë ku akordohet edhe çmimi tashmë tradicional, “Diaspora 2015”.
E nderuar me këtë çmim sivjet ka qenë këngëtarja e njohur shqiptare e xhazit, Elina Duni.
Duni është vlerësuar për vlerat e larta artistike që ka sjellë në muzikën xhaz të ndërtuar mbi bazamentin e melosit popullor shqiptar dhe për kontributin e saj në integrimin e shqiptarëve në Zvicër përmes vlerave kulturore.
Në solemnitetin e organizuar për këtë rast kanë qenë të pranishëm përfaqësues të ambasadave të ndryshme të akredituara në Bernë. Elina Duni është fituesja e pestë deri më tash e këtij çmimi.
Pas ish-presidentes dhe minsitres süe jashtme të Zvicrës, Micheline Calmy Rey në vitin 2011, këtë çmim e kanë fituar dhe futbollisti Xherdan Shaqiri në vitin 2012, politikani Ueli Leuenberger në vitin 2013 dhe ndërmarrësi Fehmi Fetahu vitin e kaluar.
