Ajri i ndotur dhe zhurmat nga fabrikat të cilat janë të përqendruar në zonën e Balldrenit në elbasan kanë bërë që shumë banor të kenë probleme shëndetësore. Ata thonë se jetesa në fshatin e tyre është bërë e pamundur, ndërsa kërkesat për të pasur një jetë më të mirë kanë rënë në vesh të shurdhër.
Fshati Balldren i Elbasanit ndodhet në mes të një morie me industri të rënda. Banorët e kësaj zone thonë se jetesa në fshatin e tyre është bërë e pamundur, por për shkak të papunësisë dhe pamundësisë për të pasur një shtëpi tjetër ata detyrohen të punojnë në këto fabrika, e për pasojë as mos të kenë frikë për tu ankuar publikisht për to.
Ajri i ndotur dhe zhurmat të cilat vijnë nga makinerit e këtyre fabrikave janë të papërballuesheme. Disa banorë të cilët punojnë jashtë këtyre fabrikave shpesh janë ngritur në protesta, por gjithë kërkesat e tyre kanë rënë në vesh të shurdhër. Për këte çështje ka pasur debate edhe në këshillin bashkiak të Bashkisë Elbasan, por ky sh hqetësim nuk ka gjetur zgjidhje e ata që po vuajnë çdo ditë janë banorët e zonës, përgatiti Shqiptarja.com.
