Disa orë pasi vrau 25-vjeçarin Xhuljano Bullari, autori 39-vjeçar Bledar Selmanaj ka ndërruar foton e profilit në rrjetet sociale. Më pas një ditë më vonë ai ka bërë në njoftim për miqtë e tij se ka nisur një punë të re si biznesmen.
Është e paqartë nëse autori ka vepruar në gjendje të rënduar psikologjike apo ka pasur si qëllim të fshehë gjurmët. Selmanaj u arrestua një ditë më parë në zonën e Bllokut në Tiranë, ndërsa në banesën e tij në Vlorë u gjet e groposur arma me të cilën kreu krimin e rëndë.
Ai u pikas nga kamerat e sigurisë në Vlorë pranë vendit ku u gjet viktima Xhuljano Bullari. Të dy ata kishin udhëtuar bashkë nga Tirana drejt Vlorës, ku më pas Selmanaj e ekzekutoi të riun pas konflikteve për borxhin e drogës.
Pas debatit, Selmanaj e ka qëlluar Bullarin brenda në makinë duke e lënë të vdekur në vend. Ai kishte qenë i njohur për policisë pasi 9 vite më parë ishte vënë në pranga për disa vjedhje në qytete të ndryshme të vendit.
Pas krimit, sipas Policisë, Selmanaj ka shkuar në banesën e tij në lagjen “15 Tetori” në Vlorë, duke groposur në oborr edhe armën e krimit tip pistoletë, dhe një krehër me 9 fishekë. Për zbardhjen e ngjarjes ndihmuan kamerat në hyrje të qytetit të Vlorës, ku u kapën pamje të automjetit tip ‘Fiat Punto’ me të cilin lëvizën viktima dhe autori, nëpërmjet të cilave u identifikua edhe 39-vjeçari Selmanaj.
g.kosovari
