Qeveria bjelloruse ka kryer shkelje të të drejtave të njeriut kundër popullsisë së saj, disa prej të cilave përbëjnë krime kundër njerëzimit.
Kjo është ajo që del sipas një raporti nga ekspertët e OKB-së të publikuar këtë të premte.
“Këto shkelje janë të përhapura, sistematike dhe të drejtuara kundër civilëve që kritikojnë qeverinë “, thanë ekspertët në një deklaratë.
Ekspertët besojnë se ka baza të arsyeshme për të besuar se disa shkelje përbëjnë krime kundër njerëzimit , përkatësisht burgosje dhe persekutim për arsye politike.
Raporti, i pari që grupi i ekspertëve ka publikuar që kur u krijua nga Këshilli i OKB-së për të Drejtat e Njeriut në prill 2024, tha se shkeljet ndodhën si pjesë e përpjekjeve për të mbajtur në pushtet Presidentin Alexander Lukashenko.
