Nga Artan Fuga
Kur me rastin e fushatës zgjedhore të bashkiakut në Tiranën tonë që ka qenë shumë e pastër dhe e bukur dikur thashë se ajo është bërë tanimë një qytet hààle, shumëkush nuk më besoi.
Madje jo vetëm Tirana. Unë di disa qytete, në pika madje të rëndësishme të tyre njoh vende ku qyteti e ka bërë në brrekë… Pra, i nxjerr fekalet jashtë si fëmijë 100 vjeçar ose i moshuar 6 mujor.
Qytete që e bëjnë në pampersa!
Nuk po i përmend që të mos iu prish reputacionin e hàles.
Ndërkohë hàle publike nuk kanë.
Tani ne po zhvillojmë edhe ekonominë kombëtare të hàleve.
Pse kanabisi çfarë është? A nuk bëhet shiringa në wc? Pse ku t’a bëjnë tjetër!!!
Pse importimi i plehrave nuk është ekonomia e haleve?
Përse disa blogje mediash a nuk janë bërë si mure halesh publike – shkruan studjuesi gjerman Rüsmoll? Jola të dua!
Pse turizmi ku deti, të pëgërat, kimikatet kanë zhdukur peshqit nuk është ekonomi halesh?
A nuk hamë mish ku zorrët me fekale janë kalbur brenda mishit të therrur dhe kanë penetruar në gjakun e kafshës?
A nuk na servirin bukën dhe byrekët pa dorashka me duar të palara në hàle?
Pse disa diploma universitetesh që hiqen si të shkëlqyera a nuk vlejnë thjesht dhe vetëm si letër higjenike?
Pse vendet ku mblidhen ose nuk mblidhen plehrat e qytetit, a nuk vijnë era hàle?
Shikoni haletë e shumë restoranteve dhe pikave ku njerëzit ushqehen, dhe do të lemeriseni.
Ore, do heqim dorë nga kultura e haléve ne?
Plehrat e qyteteve janë tamam si gropa halesh në fshatin kooperativist.
Keni shifra se sa qendra të banuara defekojnë në gropa septike dhe që andej lënda e butë organike shkon në rrënjë domatesh, karrotash, kastravecash?
O kastravec i rritur me fekale !
Dikush bën dush me urinë.
Kujdes kur shkoni të vizitoni ndonjë mbetje arkeologjike, nga ato që dixhitalizon ministria e kulturës, se mos shkelni bajga lopësh.
Nuk i besoni të gjitha këto? Ka teori që i shpjegon. Një ekonomi që nuk funksionon kthehet në hàle – ekonomi.
Le të ngrejnë një grup parlamentar dhe ta verifikojnë.
