Federata angleze e futbollit (FA) vendosi ndalimin, për herë të parë, të futjes së qeseve në stadiumin ”Wembley” për tifozët, të cilët do të ndjekin ndeshjen miqësore më 15 nëntor përballë SHBA-së, deklaroi sot drejtori ekzekutiv i FA-së për gazetën ‘’The Daily Telegraph’’.
Martin Glenn për të justifikuar vendimin pohoi se jemi vënë në dijeni nga shërbimet sekrete se ”Wembley” është një shënjestër kyçe.
Drejtori ekzekutiv mori si shembull sulmin terrorist ku u regjistruan 22 viktima në ”Manchester Arena” gjatë koncertit të Ariana Grande vitin e kaluar, për të ilustruar se deri në çfarë shkalle janë të ekspozuara për sulme ngjarjet e rëndësishme live.
”Në një moment të caktuar do të shkojmë drejt një sigurie të ngjashme me atë të një aeroporti. Thjesht sillni në kujtesë sulmin në Manchester”, përfundoi Glenn.
/b.d
