Analisti Ergys Mërtiri thotë se pakënaqësia e qytetarëve ndaj qeverisë është rritur dhe protestat pritet të rikthehen me intensitet më të madh gjatë shtatorit.
”Do të ketë një rritje të numrave në shtator, ndërsa zjarri i protestës po mbahet ndezur. Sapo qeveria të bëjë një tjetër skandal, kjo do të provokojë edhe më shumë ridaljen e turmave në shesh”, u shpreh Mërtiri.
Ai kritikoi edhe mënyrën se si Partia Demokratike po e menaxhon situatën, duke thënë se protesta nuk identifikohet me Sali Berishën.
“Berisha ka dalë qesharak, bën sikur protesta është me të. Por protesta kërkon që ai të largohet. PD duhet të ripërtërihet, pasi ndryshe po vdes”, deklaroi analisti.
Po ashtu e ka një koment për lajmet që Sali Berisha do të shkojë në Amerikë, pasi i është hequr ”non-grata”. ‘
“Berisha flet për vizitën në SHBA, por dhe në hënë të shkojë nuk vjen dot më në pushtet. Berisha është duke gënjyer këtu. Berisha është shpallur non-grata dhe është i akuzuar për korrupsion të nivelit të lartë. Ndaj e shpalli SHBA të tillë, se njohin si partner. S’i është hequr non-grata në informacionet e mia. Ai ka paguar 10 mln dollarë lobingje. Ku i gjeti paratë? I gjithë halli, cinzimi, entuziazmi i PD përmblidhet te fakti nëse e kalon apo jo Berisha oqeanin, me 10 mln dollarë lobingje, kjo është fatkeqësi për PD. Nuk na intereson agjenda e fluturimeve të Berishës, por politikisht nëse është apo jo faktor. Ai është i izoluar politikisht”, tha Mertiri në ”News 24”.
