Të mos gjesh votën tënde ndodh jo vetëm në Shqipëri por tashmë edhe në Angli. Bëhet fjalë për kandidatin socialist Paul Dennis, i cili rezultoi të mos kishte marrë asnjë votë, edhe pse ai pretendon që jo vetëm ai por edhe gjithë familja dhe shumë të afërm kanë votuar për të.
Mund të jetë pak e nxituar të themi se i është vjedhur vota, pasi është vetë Dennis që pretendon se në numërimin e votave është bërë një gabim, dhe sipas tij i paqëllimshëm.
Ai tha se ndihej i poshtërruar dhe i tronditur nga rezultatet e votimit por përgjegjësi Neil Davies, u shpreh se votat janë rinumëruar dhe sërish rezulton se askush nuk e ka votuar Dennis.
