Kryeministri Edi Rama priti një ditë më parë ambasadoren amerikane në Greqi, Kimberly Guilfoyle.
Në një konferencë për shtyp me gazetarët, kreu i qeverisë bëri të ditur se gjatë takimit u diskutuan çështje të ndryshme, përfshirë energjinë dhe bashkëpunimin rajonal.
“Ambasadorja ka ardhur për një takim njohjeje dhe për të diskutuar disa çështje me interes të lartë amerikan në rajon, që lidhen me energjinë, bashkëpunimin rajonal dhe qasjen ndaj forcave të treta. Ambasadorja e SHBA në Athinë është një përfaqësuese e njohur në politikën amerikane dhe bën pjesë në rrethin e ngushtë të vendimmarrjes së presidentit të SHBA,” tha Rama.
