Ministria e Financave ka rinisur shlyerjen e detyrimeve te papaguara të Tatimit mbi Vlerën e Shtuar, proces që u mbyll disa muaj më parë për shkak të auditit që do t’i bënte këtij procesi kompania BDO.
Në një intervistë për Vizion Plus, përgjegjësja për ecurinë e këtij procesi Veronika Rusi thotë se dega e thesarit ka çelur fondin prej 45 milion dollarësh dhe kështu çdo biznes që ka detyrime të prapambetura mund t’i marrë këto para në numrin e llogarisë së tij. Nga ana tjetër, qeveria ka marrë masa që të mos krijojë më detyrime të reja.
Me një urdhër të vendosur nga ministri Shkëlqim Cani, çdo procedurë prokurimi publik në çfarëdolloj dikasteri, nuk mund të hapet pa marrë më parë vërtetimin se thesari ka flokuar fondin. Deri tani, financat kanë vënë në dispozicion të biznesit 145 milion dollarë për të shlyer, ndërkohë që deri në fund të vitit, do t’i jepen sipërmarrësve edhe 55 milion dollarë të tjera.
