Gjendje alarmante në Prishtinë, 120 vatra zjarri për 11 ditë
Rajoni i Prishtinës është në gjendje emergjente sa i përket problemeve me zjarre dhe përhapjes së tyre të shpejtë në zona të banimit.
Udhëheqësi i brigadës së zjarrfikësve, Latif Zeka, tha se për 11 ditë në rajonin e Prishtinës ka pasur 120 ndërhyrje për zjarret.
“Për 11 ditë i kemi mbi 120 ndërhyrje, 90 për qind e tyre janë fushore dhe malore”, ka thënë ai.
Ai tha, se zona më e prekur nga zjarret është Fushë Kosova, mirëpo bëri të ditur se zjarret janë lokalizuar brenda 24 orëve.
Zeka tha se besohet se shkaktari kryesor i zjarreve është faktori njëri duke mos përjashtuar edhe temperaturat e larta
“Nuk janë të gjitha zjarret nga temperaturat e larta, por këtu hynë edhe faktori njëri. Deri më tani çdo vatër zjarri që është shfaq i kemi menaxhuar ashtu si duhet, gjatë 24 orëve të gjitha janë lokalizuar”, ështëka deklaruar ai, raporton Lajmi.net.
Zeka në fund tha, se brigada e zjarrfikësve po përballet edhe me probleme të tjera pasi automjetet po prishën dhe po duhet rregulluar.
a.ç
