Instagram ka prezantuar një veçori të re të quajtur ‘Stories’ – një veçori kjo të cilën do ta njohin mjaft mirë ata që e përdorin Snapchat.
“Instagram Stories”, siç u tha në një postim në blog të kompanisë, do t’i lejojë përdoruesit që të lidhin së bashku disa foto ose video në një video të vetme, e cila mund të shpërndahet pastaj me miqtë.
Përdoruesit mund të shkruajnë ose të vizatojnë në fotografi – dhe pas 24 orësh, videot do të zhduken, transmeton Gazeta Express.
Miqtë në Instagram do ta dinë kur të bëni një storje të re kur ta shohin një unazë me ngjyrë e cila do të paraqitet në fotografinë tuaj të profilit sapo të keni krijuar një storje të re.
Kjo veçori e re e Instagram është mjaft e ngjashme me veçorinë ‘Story’ të Snapchat. Storjet e Instagram do të lëshohen për përdoruesit gjatë javëve të ardhshme në iOS dhe Android.
