Një ngjarje e rëndë raportohet të ketë ndodhur në Irlandën e Veriut, Mbretërinë e Bashkuar, ku një i ri rreth të 20-ave u gjet i gozhduar në një gardh, me një gozhdë në secilën dorë, pak pas mesnate.
Sipas mediave të huaja, bëhet e ditur se ngjarja e rëndë ka ndodhur në një park makinash në Bushmills, County Antrim në orët e para të mëngjesit të së dielës.
Dy furgona, njëri prej të cilëve i të plagosurit, janë gjetur në flakë në parkingun e makinave pranë parkut Dundarave.
Grafitet në tualetet publike aty pranë kanë qenë të lidhura me sulmin dhe zjarrvënien.
Shërbimi Policor i Irlandës së Veriut (PSNI) tha se burri mbeti me lëndime që mund të ndryshonin jetën, por jo që mund t’i rrezikonin jetën.
“Ky ishte një sulm i keq. Ne jetojmë në një shoqëri demokratike ku nuk ka asnjë justifikim për këtë. Ata që janë përgjegjës brutalizojnë komunitetet e tyre dhe kontrollojnë të tjerët përmes frikësimit dhe dhunës”, tha Det Insp Lyttle.
Ekuipazhet e Shërbimit të Zjarrfikësve dhe Shpëtimit të Irlandës së Veriut (NIFRS) gjithashtu shkuan në vendin e ngjarjes, ku u shkaktuan dëme të mëdha në të dy automjetet.
PSNI po bën apel që çdo dëshmitar ose ata që mund të kenë pamjet e kamerave të kontaktojnë me ta.
