Janë lënë në burg dy mjekët e një spitali privat në Tiranë, të cilët mjekuan ilegalisht autorin e akuzuar për vrasjen e dyfishtë në Laç.
Vendimi u mor ditën e sotme nga Gjykata e Kurbinit, duke shpallur fajtorë mjekët për moskallëzim krimi.
Gjykata pranoi kështu kërkesën e prokurorisë, e cila më herët kishte kërkuar burg për mjekët Viktor Marku dhe Besim Lama.
Mbi ta rëndojnë dy akuza, “Moskallëzim krimi” dhe “Veprime që pengojnë zbulimin e së vërtetës”.
Ata duhet të kishin lajmëruar policinë, pasi Eduart Lamaj kishte marrë një plumb në këmbë. /a.r
