Një çift nga Vlora, kishin përshtatur lokalin e marrë me qira në bazë për tregtimin e kokainës, por u vunë në pranga.
Mbrëmjen e kësaj të mërkure, Seksioni për Hetimin e Trafiqeve dhe Narkotikëve në policinë e Vlorës bënë arrestimin e Ajaz Shehut, 47 vjeç dhe Eglantina Tafës, 30 vjeçe, me banim në Vlorë.
Kjo pasi efektivët e policisë, gjatë kontrollit të ushtruar në lokalin nën administrimin e çiftit, kanë gjetur dhe sekuestruar një sasi lënde narkotike prej 14 gramë kokainë.
Gjithashtu, nga veprimet e mëtejshme ka rezultuar se aktiviteti në lokal ushtrohej me mungesë dokumentacioni.
Ndaj të dyshuarve hetimet janë në vijim, ndërkohë që materialet iu referuan Prokurorisë së Vlorës për veprat penale “Prodhimi dhe shitja e narkotikëve” kryer në bashkëpunim, “Përshtatja e lokalit për përdorim droge” dhe “Fshehja e të ardhurave”.
/a.r
