Shtypi polak raporton këtë të premte, se Lewandowski akuzohet për mashtrim në marrjen e dy diplomave master.
Sipas agjencisë së lajmeve Onet, emri i sulmuesit të Barcelonës figuron në një listë të gjerë, në lidhje me një hetim policor për trafikimin e diplomave, madje ekziston dyshimi se ai është diplomuar dy herë në një Universitetin privat të Lodz-it, ndonëse nuk është paraqitur kurrë në provime.
Në qendër të kësaj polemike është një ish-drejtor sportiv i quajtur Zbigniew D., por personi që hodhi dyshime për kapitenin e kombëtares polake ishte një ish-mësuese, e cila konfirmoi se lojtari nuk ishte paraqitur në provimet e saj.
Kështu dyshohet se Robert Lewandowski e ka blerë diplomën e tij nga një universitet privat në Lodz. “E shkruaj me gjithë përgjegjësinë time se ai nuk “ka kaluar” dy provime me mua. Të gjitha këto i kam zbuluar gjatë seancës si dëshmitare në këtë rast të neveritshëm”, ka raportuar Barbara Mrozinska, në një publikim në X më 7 korrik.
Përveç këtyre dy diplomave tashmë nën dyshim, karriera akademike e Lewandowski përfshin edhe një diplomë master në edukimin fizik të marrë në Universitetin e Varshavës, pasi u deshën 13 vjet për t’i përfunduar ato.
Në fakt, koha e kryer për përfundimin u justifikua me pajtimin mes fillimit të veprimtarisë së tij profesionale dhe karrierës akademike, diçka që përforcon dyshimet e hetimit, të cilat vënë në pikëpyetje sesi lojtari kishte kohë të punonte në dy mastera, kur tashmë kishte ende një në dorë.
Më në fund, shtypi polak përforcon se avokatët e lojtarit kanë treguar tashmë disponueshmërinë e plotë për të zgjidhur çështjen.
