Ishin muajt e parë që pandemia e koronavirusit kishte kapluar botën. Shqetësimi më i vogël që lidhej me shëndetin, të dërgonte menjëherë tek mjeku.
Kështu veproi dhe Vittoria nga Francavilla Fontana i Italisë. Por, pasi kreu testet e nevojshme, gruaja mori lajmin e mrekullueshëm. E reja nuk ishte infektuar me COVID-19, por ishte shtatzëne e në pritje të trinjakëve. Sipas ekzaminimeve, kjo lindje ishte një rast i rrallë, pasi trinjakët kanë lindur nga e njëjta qelizë e fekonduar, pra janë trinjakë homozigotë. Tashmë ato kanë ardhur në jetë.
Emrat e tyre janë Marisol, Clarissa dhe Ginevra, trinjakë krejtësisht identikë, aq sa është e vështirë t’i dallosh. Lindja e tyre erdhi në muajin e 7-të të shtatzënisë, e për këtë arsye iu desh që të qëndronin së bashku me nënën 40 ditë në spital. Vogëlushët tanimë gëzojnë shëndet të plotë dhe gjenden të qeta në krahët e nënës, babait dhe dashurinë që i dhuron vëllai 5-vjeçar./a.p
