Sulmuesi i Kolumbisë Radamel Falcao dhe mesfushori i Perusë, Renato Tapia kanë treguar se çfarë kanë biseduar në ndeshjen ndërmjet tyre.
Falcao insiston se nuk ka bërë ndonjë marrëveshje, por vetëm u ka treguar lojtarëve të Perusë rezultatin e ndeshjes, Brazil-Kili.
“E dinim çfarë po ndodhte në ndeshjet e tjera, dhe në atë moment u mundova t’ia shpreh këtë gjë edhe lojtarëve të Perusë”, tha Falcao për bisedat e tij me lojtarë të Perusë.
Në anën tjetër, Tapia tha: “Në pesë minutat e fundit, kolumbianët erdhën tek ne, duke e ditur rezultatin e ndeshjeve të tjera. Kështu e menaxhuam ndeshjen siç na duhej. Fola me Radamelin, i cili më tha se nëse vazhdonim barazim, kualifikoheshim të gjithë, por gjithsesi në futboll ne luajmë gjithmonë për të fituar”, tha tapia për Panamerikana TV.
Ky barazim e ndihmoi Kolumbinë të shkonte direkt në Rusi, ndërsa Peruja u rendit në vendin e pestë, duke siguruar vetëm fazën play-off. /a.m.
