Vdekja e 46- vjeçarit Bukurosh Malaj disa dite me pare ne qytetin e Vlorës, vazhdon të jetë ende nën dyshime të mëdha prej familjes.
Bashkëshortja e Bukuroshit, Matilda Malaj kërkon hetime me të imtësishme rreth aksidentit dhe kërkon të njihet me autopsinë si dhe dokumentacionin e eksperteve.
Jashtë kamerës për Report tv bashkëshortja e 46- vjeçarit, Malaj, nena e dy fëmijëve përkatësisht djalit 12- vjeçar dhe vajzës 10- vjeçare shprehet se do të kërkoje zbardhjen e plote të ngjarjes.
Sipas saj burri kishte mare një goditje mbrapa koke si dhe një goditje ne kraharor. Ajo ka thënë se ditën e aksidentit qene ne pune deri vonë dhe pasi e ka marrë vesh lajmin se bashkëshorti kishte bërë aksident, ka shkuar urgjentisht për në Vlorë.
Me të mbërritur atje, asaj i kanë thënë se për shkak të gjendjes së rëndë Bukuroshi është transportuar për në spitalin e traumës.
Sipas Matilda Malajt, bashkëshortes së biznesmenit që mbeti i vdekur si pasojë e një aksidenti rrugor, ekspertiza që është bërë nga ekspertët rrugor nuk është e rregullt.
Matilda thotë se burri i saj shoqërohej nga një femër, 21-vjeçarja, Adela Sinanaj, e cila sipas dëshmisë së dhënë në polici ka qenë ajo që drejtonte mjetin ndërsa burri i saj ka qenë pasagjer.
Pyetja që bashkëshortja e biznesmenit shtron është se si ka mundësi që vajza nuk ka asnjë gërvishtje në fytyrë dhe pse makina nuk ka asnjë shenjë gërvishtje si pasojë e aksidentit. Sipas saj 21- vjeçarja ka qenë punonjëse në lokalin që kishte familja, ndërsa shton se Adela është në dijeni të plot të rrethanave të ngjarjes.
Bazuar edhe në deklaratat kontradiktore të dhënë në polici kjo e shtynë më shumë për një skenar të mirëmenduar për vrasjen e Bukurosh Malajt.
Dyqani në pronësi të Bukurosh Malaj
