Më 1 qershor është radha e gjyqtares Marçela Shehu që të dalë në seancën dëgjimore publike në Komisionin e Pavarur të Kualifikimit.
Gjytarja e rrethit gjyqësor të Kurbinit do të kalojë në sitën e vettingut për anën profesionale, pasurinë dhe integritetin.
Trupa e KPK-së që do të shqyrtojë rastin e saj përbëhet nga Brunilda Bekteshi, Lulzim Hamitaj dhe Olsi Komici.
Në bazë të vendimit të kësaj trupe do të varet edhe e ardhmja e kësaj gjyqtareje në sistemin e drejtësisë, nisur nga fakti që Marçela Shehu është kandidate edhe për një post në Këshillin e Lartë Gjyqësor.
Ndërkohë, katër ditë më vonë në sitën e vettingut do të kalojë gjyqtari i Gjykatës së Lartë, Edmond Islamaj.
Trupa gjykuese që do të vendosë për të përbëhet nga Suela Zhegu, Pamela Qirko dhe Genta Tafa. /b.d
