Për plot 29 ditë e net, dy burra nga Ishujt Solomon, kanë qëndruar në mes të detit, në mëshirën e fatit me shpresën se dikush do t’i gjente dhe ia dolën. Ata u shpëtuan.
Ka ndodhur në Papua, Guinea e Re dhe protagonistë janë Livae Nanjikana dhe Junior Qoloni.
Ata u nisën nga Mono Island, në provincën Perëndimore, Ishujt Solomon, mëngjesin e 3 shtatorit me një motoskaf të vogël të vetëm 60 kuaj fuqi.
Dy burrat planifikuan të udhëtonin 200 km në jug për në qytetin Noro në New Georgia Island, duke përdorur si udhëzues, bregun perëndimor të ishullit Vella Lavella dhe Gizo Island në të majtë të tyre.
“Ne e kemi bërë këtë udhëtim edhe më parë dhe duhet të shkonte mirë,” tha Nanjikana, citon noa.al një raport të The Guardian.
Por edhe për detarët me përvojë, siç është Nanjikana, Deti Solomon, ndarja e Ishujve Solomon nga fqinji i saj, Papua Guinea e Re, është shumë i ashpër dhe i paparashikueshëm.
Vetëm pak orë pasi nisën udhëtimin, ata hasën në shi dhe erëra të forta, të cilat e bënë të vështirë të shihnin vijën bregdetare që duhej të ndiqnin.
Kur erdhi moti i keq, ishte vërtetë i keq, por u bë edhe i frikshëm kur GPS ndali së funksionuari,” tha ai. “Ne nuk mund të shihnim se ku po shkonim dhe kështu vendosëm të fiknim motorin dhe të prisnim, për të kursyer karburant.”
Ata mbijetuan në sajë të portokalleve që kishin në varkë dhe ujin e shiut që arritën të mbledhin duke përdorur një copë kanavacë.
Kështu, ata lundruan rreth 400 km në veriperëndim për 29 ditë, duke u zbuluar më në fund nga një peshkatar në brigjet e Papua Guinea e Re.
“Nuk e dinim se ku ishim, por nuk prisnim të ishim në një vend të panjohur,” tha Nanjikana.
Burrat ishin aq të dobët saqë kur mbërritën në qytetin Pomio më 2 tetor duhej të dërgoheshin nga barka dhe u shtrinë në një shtëpi aty pranë.
Që atë ditë ata janë vizituar në një klinikë shëndetësore lokale dhe tani po qëndrojnë me vendasin Pomio, Joe Kolealo, i cili i tha Korporatës Transmetuese të Ishujve Solomon: “Tani ata jetojnë të lumtur me ne.”
Nanjikana tha se ai ka në kujtesë disa gjëra pozitive nga përvoja, të tilla si një shkëputje e detyruar nga kaosi i një pandemie globale.
“Nuk e kisha idenë se çfarë po ndodhte ndërsa isha atje. Nuk kam dëgjuar më për Covid dhe për asgjë tjetër”, – tha ai. “Mezi pres të kthehem në shtëpi, por mendoj se ishte një pushim i bukur nga gjithçka që mund ta shohësh”.
Mary Walenenea, zyrtarja kryesore në Ministrinë e Punëve të Jashtme dhe Tregtisë të Ishujve Solomon, me seli në Papua Guinea e Re, tha se ata janë në kontakt me Nanjikana për të siguruar që të bëhen procedurat e nevojshme në mënyrë që të dy burrat të kthehen në shtëpi.
/a.r
