Përsëritja e një prokurimi të rregullt ose dhënia ndonjë investitori që do të mundësohej me anë të Ligjit për investime strategjike janë dy alternativat që ministrja e Tregtisë dhe Industrisë, Hykmete Bajrami, i ka për Brezovicën, shkruan Koha Ditore.
Ajo të martën në një konferencë për media ka thënë se Qeveria, Komiteti ndërministror, niveli qendror dhe niveli lokal i Komunës së Shtërpcës kanë përmbushur të gjitha kriteret që Projekti për Brezovicën të realizohet, por arsyeja e mosrealizmit të tij ka qenë paaftësia e investitorit që të mobilizojë 163 milionët sipas kontratës.
Sipas saj, vendimi për shkëputjen e kontratës ka ardhur pasi që nuk është përmbushur kriteri për përmbushjen financiare për fazën e parë të investimit. (b.an)
