Fatjon Trezhnjeva dhe Edmond Hysko, përkatësisht punonjës të Rapiscan, me detyra operator i skanimit/analizës dhe supervizor i turnit. morën masën e sigurisë burg pa afat, deri në përfundim të hetimeve.
Më saktësisht, të arrestuarit akuzohen se nuk kanë sinjalizuar autoritetet policore në portin e Durrësit për praninë e dy lloje ngarkesash në kamionin ku u gjetën 1460 qese me marijuanë, ndërsa mbrojtja deklaroi se subjekti “Altini Mermer sh.p.k”, e themeluar vetëm një muaj më parë, kishte paraqitur pranë tyre 2 deklarata për 2 ngarkesa të ndryshme malli, konkretisht panele druri dhe tallazh të importuar nga Mali i Zi.
Gjyqtarja Anita Mici pranoi kërkesën e mbrojtjes dhe e shpalli të paligjshëm ndalimin me iniciativë të dy punonjësve, po vendosi të caktojë arrest me burg për ta deri në përfundim të hetimeve
