Politikani i Të Gjelbërve ne gjermani Manuel Sarrazin deklaroi se partia e tij do t`i japë dritën jeshile çeljes se negociatave me Shqipërinë e Maqedoninë e Veriut.
Në një interviste për DW, Sarrazin kritikoi njëkohësisht zvarritjen taktike të grupit parlamentar CDU/CSU.
“Ne, Të Gjelbrit, do ta miratojmë çeljen e negociatave të anëtarësimit të Maqedonisë së Veriut dhe Shqipërisë në BE. Ky vendim vjen i vonuar dhe u vonua vetëm për shkak të taktikës së zvarritjes të disa pjesëve të grupit parlamentar CDU / CSU.
Të dy vendet i kanë përmbushur mjaftueshëm kushtet. BE-ja tani duhet të tregojë se është një partner i besueshëm dhe të hapë bisedimet e anëtarësimit në BE”, deklaroi ai.
Eksperti i Europës Juglindore tek Të Gjelbërve tha gjithashtu se “kushtet shtesë të formuluara nga koalicioni për Shqipërinë e tejkalojnë objektivin.
“Është e papranueshme që Shqipëria çdo vit të duhet të përmbushë kushte të reja për negociatat e anëtarësimit në BE. Kjo nuk është vetëm e padrejtë, por edhe e padenjë për një bashkëekzistencë europiane”, ishte deklarata e fortë e tij.
Të Gjelbrit janë partia e tretë që ka deklaruar tashmë hapur se do ta miratojnë çeljen e negociatave me Shqipërinë dhe Maqedoninë e Veriut, pas miratimit të djeshëm të kërkesës së qeverisë gjermane nga grupet parlamentare CDU/CSU dhe SPD.
Liberalet gjithashtu pritet te jene në të njëjtën linjë, ndërsa e majta deri dje ishte ende në mëdyshje. Vetëm AfD, Alternativa për Gjermaninë, thekson DW, është e mendimit se as Shqipëria dhe as Maqedonia e Veriut nuk janë gati për të çelur negociatat në BE.
g.kosovari
