Hapja e dosjeve të ish-Sigurimit të Shtetit do të nisë praktikisht të kryhet duke nisur që nga muaji nëntor i këtij viti. Kjo është bërë e ditur nga drejtori i Përgjithshëm i Institutit të Integrimit të të Përndjekurve Politikë, Bilal Kola, i cili në një intervistë për “Gazetën Shqiptare”, jep detaje se si do të funksionojë i gjithë procesi i hapjes së dosjeve.
Sipas Kolës, pas miratimit në Kuvend më 30 Prill dhe dekretimit edhe nga ana e Presidentit të Republikës, tashmë parashikohet që të krijohet edhe Autoritetit për Informimin mbi Dokumentet e ish-Sigurimit të Shtetit dhe ngritja e arkivës së përgjithshme. Dhe kjo kërkon një afat kohor të mirëpërcaktuar, çka do të thotë se rreth muajit nëntor të këtij viti do të nisë hapja e dosjeve të ishSigurimit të Shtetit
“Nëse ne do të marrim parasysh gjithë sensin kronologjik, të gjithçkaje, gjykoj se në fund të këtij viti Autoriteti do të jetë 100% funksional dhe 100% në shërbim për mbarë opinionin publik. Pra, besoj rreth 5 muaj pas zgjedhjes së pesëshes drejtuese të Autoritetit, pra diku në nëntor. Përfaqësuesi i të përndjekurve, do të zgjidhet nga instituti? Ky përfaqësues do të propozohet nga shoqatat dhe komuniteti i të përndjekurve. A ka emra konkretë deri në këto momente? Ka disa emra, por nuk dua të jap emra që lakohen, pasi duhet të kemi parasysh që të dy përfaqësuesit që propozohen nga të përndjekurit dhe shoqëria civile, duhet të sigurojnë mbështetjen nga 28 deputetë për të kaluar në votim.” është shprehur Bilal Kola
Ai ka sqaruar se Autoriteti për Informimin mbi Dokumentet e ish-Sigurimit të Shtetit do të përbëhet nga 5 anëtarë, ku 2 prej tyre do të propozohen nga parlamenti dhe 1 nga qeveria.
“Nga momenti që ligji hyn në fuqi, parashikohet votimi nga parlamenti i pesëshes drejtuese të Autoritetit për Informimin mbi Dokumentet e ishSigurimit të Shtetit. Pra, nivelin politik të Autoritetit. 5 anëtarët e Autoritetit kanë një mënyrë të mirëpërcaktuar zgjedhjeje: 2 prej tyre propozohen nga parlamenti, 1 prej tyre nga qeveria, 1 prej tyre nga të përndjekurit politikë dhe 1 nga shoqëria civile, por nga ato OJF që kanë një profil të caktuar në fushën e të drejtave të njeriut. Përfaqësuesi nga të përndjekurit dhe ai i OJFve në fushën e të drejtave të njeriut duhet të kenë mbështetje minimale prej 28 deputetësh, me qëllim që më pas të futen për votim në parlament. Nga data e miratimit të 5 drejtuesve të Autoritetit, brenda 2 muajsh kjo pesëshe duhet të miratojë rregulloren e Autoritetit dhe nga data e konstituimit kanë mundësi që të ngrenë strukturën e stafit.”sqaroi ai
