Në Turqi dje u mbajtën zgjedhjet parlamentare. Sipas të dhënave të para nga mediat turke, partia e Erdogan, AKA, ka marrë 41% të votave, plot 10% më pak nga zgjedhjet e 2011.
Partia e Erdogan mori 261 vende, që i pamundësojnë krijimin e qeverisë një-partiake.
Duhen minimalisht 267 mandate për të krijuar një qeveri, ndaj Erdogan-it i duhet medoemos të bëjë koalicion.
Surpriza tjetër ishte partia kurde, e cila hyri për herë të parë në parlament me 10% të votave, pra me 10 mandate.
Partia kurde HDP është shprehur përfundimisht kundër një koalicioni të mundshëm me AKA e Erdogan.
Kjo disfatë e Erdogan do amortizojë dorën e hekurt e cila po kthehej në shqetësim në marrëdhëniet diplomatike.
Pas AKP-së me 261 deputetë, e dyta është partia më e madhe opozitare – Partia Popullore Republikane (CHP), me 25,22 për qind të votave, apo 130 vende në Kuvend.
Partia tjetër opozitare, ajo Nacionale Popullore (MHP), ka fituar 16,74 për qind të votave, respektivisht 64 deputetë, ndërsa Partia prokurde majtiste Popullore Demokratike ka 11,90 për qind të votave, apo 75 mandate. Këto janë katër partitë të cilat do të kenë përfaqësues në përbërjen e re të Parlamentit turk, transmeton KP.
