Sa here gjenden ngushte dhe mbi ta rendojne akuza konkrete, lidershipi i PD ngre akuza se personat qe i akuzojne ose jane te cmendur ose te korruptuar. Kete fat duket ka pasur edhe Romeo Kara, juristi i OSHEE i konsideruar si njeriu që hapi ‘Kutinë e Pandorës” për aferën e ÇEZ. Ai është akuzuar nga Liljana Elmazi, deputete e PD në Komisionin Hetimor Parlamentar të CEZ si një person i korruptuar me çrregullime mendore.
Po kështu sipas Elmazit, nipi i Sabit Brokaj, Ilir Brokaj e ka përgjuar teksa Karaj merrte para. Por Vetë Romeo Kara ka reaguar ndaj deklaratës së Elmazit dhe në një prononcim për Shqiptarja. com shprehet se, është gati të bëjë çdo ekzaminim mjekësor për të hedhur poshtë cdo akuzë të këtij lloji në drejtim të personit të tij.
“Nuk e njoh dhe as e kam takuar ndonjeherë personin Ilir Brokaj. Absolutisht nuk kam të bëj më asnjë çështje korrupsioni dhe jo me arrestim apo burgim për cështje të tilla. Para një viti, kur u përmend çështja DIA në parlament, unë u përmenda nga Berisha si jurist i zoti dhe i ndershëm. E kuptoj dëshirën e tyre për të më parë të çmendur, por shumë shpejt do të çmenden vetë. Jam gati për çdo lloj ekzaminimi mjekësor. Një çmenduri e imja u bën punë shqiptarëve. U sugjeroj edhe atyre që më kanë akuzuar që të ekzaminohen për kleptomani. Çmenduria ime e vetme është drejtësia dhe këmbëngulja për ta vendosur atë”, shprehet Kara.
