Arsen Stojku, njëri nga të arrestuarit e prokurorisë dhe policisë së Shkodrës, për vrasjen e vëllezërve Astrit dhe Brahim Bilali, është dënuar nga gjykata e këtij qyteti me 6 vite burgim për akuzën e “Përkrahjes së autorëve të krimit”.

Treshja e gjyqtarëve pak kohë më parë deklaruan fajtor dhe dënuan djalin e tezes së familjes Lici, si përkrahës i autorëve të krimit të dyfishtë dhe jo siç e akuzonte prokuroria për vrasje në rrethana cilësuese dhe mbajtjes pa lejë të armëve.

Por pas disa seancave maratonë, në fund të procesit trupi gjykues vendosi të kualifikojë dy veprat penale nga “Vrasje në rrethana cilësuese” në “Përkrahje të autorëve të krimit”. Kjo pasi sipas gjykatës, i pandehuri Arsen Stojku, provohet se ka marrë me qira një automjet tip “Volsvagen”, të cilin e ka përdorur më pas në largimin e dy autorëve.

”…largimi i ekzekutorëve është bërë nga i pandehuri Arsen Stojku me automjetin e marrë me qira “Volksvagen”, i cili pas përdorimit i është kthyer pronarit të ligjshëm të tij. Nuk provohet veprimtari kriminale e Arsen Stojkut, në realizimin e vrasjes në asnjë formë të saj. Të vetmet veprime të provuara objektivisht në ngarkim të Stojkut, janë veprimet e sipërcituara, ato të largimit të ekzekutorëve nga vendi i djegies së automjetit, që përdorën në vrasje. Kjo gjë nuk përbën një fakt të mjaftueshëm për të konkluduar në dijeninë, fajësinë dhe bashkëpunimin e tij në vrasje…”.

“Ora News” mëson se akuza nuk ka qenë dakord me këtë vendim, pasi pak ditë më parë e ankimoi atë në Gjykatën e Apelit Shkodër.

Aktualisht Rama ka dalë nga burgu dhe është larguar jashtë Shqipërisë. Ndërsa për të dyshuar e policisë së Shkodrës, Ibrahim Lici, si autor i vrasjes së dy vëllezërve Bilali, prokuroria nuk ngriti asnjë akuzë.