Gjatë ditës së sotme u publikua në media lajmi për dorëheqjen e mjekëve të urgjencës në Qendrën Spitalore Universitare “Nënë Tereza”, pasi ata kanë deklaruar se kushtet e punës janë mjaft të rënda.
Ndëkorhë, dorëheqja e mjekëve nuk konfirmohet ende nga Drejtoria e QSUT. Disa media, duke cituar burime nga ky insittucion raportojnë se nuk ka pasur asnjë shkresë zyrtare nga ana e mjekëve.
Ndërkohë, lidhur me këtë zhvilim ëhstë vënë në lëvizje edhe Ministria e Shëndetësisë. Zëvendësministrja Mira Rakacolli ka mbajtur takim me mjekët e urgjencës së QSUT.
LETRA e mjekëve:
Memo/ Datë 05.12.2017
Drejtuar; Enkelejd Joti
Drejtori i QSUT
Për dijeni; Znj. Ogerta Manastirliu
Ministre Shëndetësisë
Z. Edi Rama
Kryeministër i Shqipërisë
Z.Ilir Meta
President i Shqipërisë
Kërkesë
Në kuadër të situatës së krijuar në Urgjencës e QSUT, ku;
- Kushtet e punës për stafin nuk plotësohen bazuar në kontratën punëdhënës- punëmarrës
- Ka mbingarkesë me të sëmurë të shtruar mbi 48 orë në urgjencë për mungesë vendesh në pavionet e tjera në kundërshtim me urdhrin
- Mos zbatimi i urdhrave të tjerë të nxjerrë nga drejtoria nga shërbimet e tjera që reflektojnë mbingarkesën e urgjencës
- Në këto kushte ku për shkak të mbingarkesës, e cila nuk lidhet me punën e mjekëve por të shërbimeve; Tërhiqemi nga pozicioni i punës duke respektuar paralajmërimin sipas Kodit të Punës me 30 dite perpara.
Mjekët që e kanë firmosur letrën janë;
Petrit Gjorgji
Elton Calliku
Besmir Kocia
Etiomena Bracaj
Jonida Kito
Petrit Vargu
Afrim Yzeiraj
Eqerem Hasani
/a.m.
