Zbulohen targa e re e makinës tip ‘Audi’ që ish-ministri Tahiri u shiti kushërinjve Habilaj. Dokumenti i siguruar tregon se targa e mjetit “Audi” AA 003 GB është çregjistruar në Drejtorinë e Transportit Rrugor nga sistemi i targave dhe targa e re është bërë AA900NF në pronësi të Artan Habilajt.
Viti prodhimit dhe pronari i mjetit nuk ndryshojnë, ndërsa targa, ngjyra dhe numri i shasisë kanë ndryshuar. Për automjetin me targat e reja AA900NF ka një urdhër për ta ndaluar dhe për të hetuar nëse kemi të bëjmë me të njëjtin automjet.
Policia tashmë është vendosur në kërkim të automjetit, më parë ngjyrë e zezë, ndërsa tashmë ngjyrë gri për të hetuar modifikimet, që ngrenë dyshime. Prokuroria akuzon se ‘Audi’ që më parë ka pasur Tahiri dhe që ua shiti Habilajve pasi u bë ministër është për përdorur për trafik droge. REPORT TV
