Kanë mbetur më pak se dy javë afat për të gjithë poseduesit e një banese, dyqani a garazhi në Tiranë për të bërë vetëdeklarimin me qëllim taksimin e pronës.
Ata që përjashtohen nga taksa, pensionistët kryefamiljarë dhe me pension social si dhe një serë kategorish duhet të shpejtojnë pasi iu duhet një procedurë më e gjatë. Numri dy i Ujësjellës Kanalizimeve Tiranë Evis Gjebrea në një intervistë për gazetën “Panorama” ka sqaruar procedurën që ata duhet të ndjekin për ta shmangur atë.
Pas vetëdeklarimit në çdo pikë UKT-je kategoritë që bashkia ka vendosur t’i përjashtojë nga detyrimet duhet të bëjnë një tjetër kërkesë këtë herë në zyrat e gjendjes civile.
Mjafton libreza e ujit, ajo e pensionit dhe një kartë identiteti për të plotësuar formularin ku kërkon të përjashtohet nga taksa e re.
Dokumenti i shkon UKT-së që bën zerimin e taksës në faturën e ujit në momentin që kjo e fundit hyn në fuqi.
”Procesi i vetëdeklarimit është një proces mjaft i lehtë që çdo qytetar mund ta kryejë pranë çdo pike UKT, duke u ndihmuar edhe nga specialistët tanë. Në momentin që qytetari shkon për të plotësuar formularin e vënë në dispozicion duhet të ketë me vete këto dokumente: Kopje të ID, certifikatën e pronësisë me kartelën e pasurisë/ kontratë shitblerje dhurimi, shkëmbimi/akt privatizimi apo vetëdeklarimit te ALUIZNI, rivlerësim të fundit të pasurisë nëse ka si dhe librezën e ujit apo një faturë të UKT-së” shprehet Gjebrea./scan
g.kosovari
