Primaret kanë qenë premtimi i parë i Sali Berishës që kur nisi betejën kundër Lulzim Bashës tre vite më parë.
Rasti më i fundit që i ka premtuar ato ishte sot, ku në një deklaratë për shtyp tha se primaret në Partinë Demokratike do të shpallen së shpejti.
“Primaret së shpejti do të shpallen, janë të hapura për shqiptarët kudo që banojnë, në Shqipëri, diasporë dhe kudo që ndodhen. Primaret do të jenë të hapura për shqiptarët brenda dhe jashtë vendit”, tha Berisha.
Me sa duket, herë pas here Berisha e përsërit idenë e primareve, sa herë që sheh se deputetët e PD nuk janë mjaftueshëm të rreshtuar pas tij.
